Thursday, November 8, 2007

အခုတလော ဓါးပြတွေပေါလှချည်လား။ ဟိုလူ့လိုက်တိုက် ဒီလူလိုက်တိုက်နဲ့။ ကိုမာန်လှိုင်းငယ်က biggest ကိုဓါးပြလာတိုက်တော့လည်း လက်စွမ်း ပြရတာပေါ့။ ညတိုင်း တရုတ်သိုင်းကား ကြည့်တာ အလားကား ကြည့်ထား တာမဟုတ်ဘူး။ ဒီနေရာမှာ အသုံးဝင်ပြီ။ biggest ရဲ့အိတ်က ပုဏ္ဏားဘကွန်းရဲ့အိတ်လိုဘဲ။ ခဏလေးစောင့် biggest အိတ်ကိုပြန်ကြည့်လိုက်အုံးမယ် အိတ်ကိုလွယ်တာဘဲရှိတယ်။ အိတ်ထဲက ဖုန်းကလွဲရင် ဘာမှမထုတ်ဘူး။ ကဲစပြီ . . .

Biggest ရဲ့ အိတ်ထဲမှာ. . . စိန် (စိန်တံဆိပ် ကြော်ငြာမုန့်စာရွက်လေးပါ) အဲဒီမှာသူငယ်ချင်း တစ်ယောက်ရဲ့ ဖုန်းနံပါတ်နဲ့ အီးမေးလ် လိပ်စာမှတ်ထားလို့ ကြာပါပြီ။ အဲ့ဒီသူငယ်ချင်းက ဖုန်းတောင်ရောင်းလိုက်ပြီ။ နောက်. . . ကျောက် (ပန်းရောင်ကျောက်လေးပါ) လှလို့သိမ်းထားတာ။ ဘယ်ကရလဲဆိုရင်လမ်းက ကောက်ရတာ။ နောက်. . . စာရွက်သေးသေး လေးလေးတွေ မှတ်ချင်တာမှတ်လို့ရအောင် (ဥပမာ နာမည်၊ ဖုန်းနံပတ်၊ အီးမေးလ်) တိုတို ထွာထွာ လေးတွေ မှတ်ဖို့ အိမ်က စာရွက် အစုတ်တွေကို ဖြဲထားတာ။ နောက်. . . ဘောပင် အများကြီးဘဲ ၈ ချောင်းလောက်ရှိတယ်။ ဝယ်တာမဟုတ်ဘူး။ သူများ ပေးတာလည်းမဟုတ်ဘူး။ ခိုးထားတယ်လို့ တော့မထင်နဲ့နော်။ biggest ရဲ့ အကျင့်ကြောင့်ပါ။ မေ့ မေ့ပါလာတာ။ ပြန်ပေးဖြစ်တာလည်းရှိသလို့ ပြန်ပေးဖို့ မေ့သွားတာလည်း ရှိတယ်။ နောက်. . . diary စာအုပ်တစ်အုပ်။ စာအုပ်ထဲမှာပါတဲ့ နှစ်ကတော့ ၂၀၀၅ ခုနစ်ပေါ့။ ဘာရေးထားလည်းမေးရင် စာအုပ်ရှေ့မှာ ဆိုင်းထိုး၊ နံမည်တပ်၊ ရက်စွဲတပ် ထားတာကလွဲရင် ဘာမှမရှိဘူး။ စာအုပ်မကုန်သေးလို့ နောက်ထက် အသစ်လည်း မဝယ်ရသေးဘူး။ နောက်. . . ဗလာစာအုပ်တစ်အုပ်။ အထင်တော့မကြီးနဲ့ စာအုပ်က အဖုံးဘဲရှိတော့တယ်။ အလယ်ကောင် ဖြုတ်ဖြုတ်ပြီး လေယာဉ်ပျံ၊ သဘောင်္၊ ဘောလုံး၊ ဖြုတ်ဖြုတ်လုပ်နေတာ။ ဘကြီးဘုန်းကြီးနဲ့ မတွေ့သေးလို့ တွေ့ရင် ကထိန်က ရတဲ့ စာအုပ်တစ်လောက် ထပ်တောင်းမလို့။ နောက်. . . လက်ကိုင်ပဝါ တစ်ထည်။ နှာရောဂါ ရှိလို့ဆောင်ထားတာ။ သူများအားနာလို့ပါ။ နောက်. . . ဖုန်းတစ်လုံး။ ဘာရယ်ညာရယ်တော့ မဟုတ်ပါဘူး လူရှိန်အောင်လို့။ ဖုန်းက တစ်လနေလို့ တစ်ခါမမြည်ဘူး။ ပျက်နေ၍ မဟုတ်ပါ ဆက်မည့်လူ မရှိတာပါ။ biggest ကအဲဒီလောက် အရေးပါတဲ့လူပါ။ နောက်. . . ဘာရှိသေးလဲ ဆိုတော့ လိပ်စာကဒ်။ အထင်မကြီးနဲ့နော်။ biggest လိပ်စာကဒ် မဟုတ်ဘူး။ သူများတွေ ပေးပေးသွားကြတာ။ ဖတ်တက်လို့တော့ မဟုတ်ဘူး။ လိပ်စာကဒ် တဖက်ကလွတ်နေတော့ ရေးချင်ရာ ရေးလို့ရတယ်ဆိုပြီးယူထားလိုက်တာ။ ဤလောက်အကြံကြီးတာ။ နောက်. . . ခဏစောင့်အုံး ထုတ်ကြည့်လိုက်အုံးမယ်။ နောက်ဘယ်လိုလုပ်ရောက်နေလဲမသိဘူး။ ဘယ်သူဟာလည်းမသိဘူး။ ရှုဆေးဘူးကြီး။ biggest ကနေထိုင်မကောင်းဖြစ် ခဲတယ်။ ရိုက်သတ်တောင် တော်တော်နဲ့ မသေနိုင်ဘူး။ နောက်မှပိုင်ရှင်ပြန်ရှာပြီး ပေးတော့မယ်။ နောက်ဆုံးတစ်ခု. . . အရေးအကြီးဆုံး အဲဒါက ပိုက်ဆံအိတ် ၂ အိတ်။ ၂ အိတ်ဆိုလို့ အထင်မကြီးနဲ့နော်။ တစ်ယောက်ထဲ ဆိုရင် အိတ်ကြီးကို ထုတ်သုံးတယ်။ လူအများနဲ့ဆိုရင် အိတ်သေးကိုထုတ်သုံးတယ်။ မရှင်းပြတော့ဘူး။ သိနိုင်မယ်လို့တော့ထင်ပါတယ်။ ကဲ biggest ရဲ့ ရှိတာ အကုန်ထုတ်ပြ ပြီးပြီး။ သူများတော့ ဓါးပြ သွားမတိုက်တော့ပါဘူး။ ဒီလောက်ရှားပါးနေတဲ့ ခေတ်ကြီးမှာ တော်ကြာ ကိုယ်ရှိတာတွေပါသွားအုံးမယ်။

0 comments: