အမေသို့ ပေးပို့လွှာ

အမေက. . .
ပညာတက်ကြီး ဖြစ်စေချင်တာ
အခုတော. . .
သားက
နိုင်ငံရေးသမားကြီး ဖြစ်နေပြီ။

သားငယ်ငယ်က အမေပြောပြဖူးတယ်
ထောင်ဆိုတာ ဆိုးတဲ့လူတွေမှ သွားတာတဲ့။

အခုတော့. . .
သားထောင်သားကြီးလုံးလုံး ဖြစ်နေပါပြီ။

ဒါဟာ. . .
သားဆိုးလို့ မဟုတ်ဘူး ဆိုတာ အမေသိပါတယ်
လူဆိုး၊လူယုတ်မာတချို့ရဲ့ ယုတ်မာမှုကြောင့်
အမေနဲ့သား ရှင်ကွဲကွဲနေတာပါ။

သားဟာ. . .
အမေ့ရဲ့ နို့တစ်လုံးဖိုးမပြောနဲ့
အမေ့ဆီက ကျသွားတဲ့ ချွေးတစ်စက်စာတောင်
မကြေနိုင်သေးပါဘူး။

အမေ့ရဲ့. . .
နောက်ဆုံးကျန်တဲ့ သတ်တမ်းလေးမှာတောင်
အမေ့ဆန္ဒ မဖြည့်ပေးနိုင်သေးတဲ့
သားမိုက်တစ်ယောက်ပါ။

အမှန်တရားအတွက် အလုပ်လုပ်နေတဲ့သားကို
အားပေးခဲ့တဲ့ အမေ့ရဲ့ စကားသံ
အဓပ္ပါယ်ပြည်ဝတဲ့ အမေရဲ့စာနာနားလည်ပေးသံ
မေတ္တာဓါတ်တွေလွှမ်းခြုံထားတဲ့ အမေရဲ့မေတ္တာရင်ခွင်
နူးညံသိမ်မွေ့ပြီး၊အဓပ္ပါယ်ရှိ၊လေးနက်တဲ့ အမေ့ရဲ့ဟန်ဆောင်မှုကင်းတဲ့အပြုံး

ဒါတွေ ဒါတွေကို. . .
နံရံတွေနဲ့ ပိတ်လှောင်ထားတဲ့
အလင်းရောင်မဲ့ အခန်းလေးထဲမှာ
သားတစ်ယောက်ထဲ အမေ့ကိုတမ်းတရင်း
အမေကျမ်းမာနိုင်ပါစေလို့ ဆုတောင်းသံကို
အမေနှလုံးသားမှ တဆင့်ကြားနိုင်ပါစေ။