Thursday, November 8, 2007


Biggest ကတော့ follower ဖြစ်နေပြီ။ သူများတွေက ဘာကောင် တွေ ကြောက်တယ် ဘာဖြစ်လို့ ကြောက်တယ် နဲ့ ပြောနေ ကြတယ်။ biggest လည်း ကြောက်ရမယ် သတ္တာဝါ တွေတော့ ရှိတာပေါ့။ အသည်းယားတဲ့ သတ္တာဝါ တွေလည်း ရှိတယ်။ တီကောင်၊ ပတ်ကျိ၊ ဖား၊ အိမ်မြောင်၊ ပိုးဟပ်၊ ခူ၊ ကင်း အများကြီးဘဲ တွေ့ရင် အသည်းယားတယ်။ ထုတ်ကုတ် လို့ရရင် ခဏ ထုတ်ကုတ် ချင်တယ်။ biggest ပထမဆုံး ကြောက်တာက ခွေး။ ဘာဖြစ်လို့ လည်းမေးရင် အကိုက်ခံဘူးလို့ ကြောက်တာ။ တော်တော်အီသွားတယ် ၂၄ ချက်လောက်ဆေးထိုးရတယ်။ ဒီကြားထဲ ခွေးရူး မရူးလည်း စောင့်ကြည်ရသေးတယ်။ စောင့်ကြည်နေတဲ့ ကြားထဲခွေးကပျောက်သွားလို့။ ဘယ်ရောက်သွားမှန်း မသိတော့ဘူး သူများသတ်ပစ်လိုက်တယ်လို့ ထင်တာဘ။ဲ အဲ့ဒီခွေးက ကိုက်တဲ့လူ မနည်းတော့ဘူးကို။ ဒါပေမဲ့ ခွေးသေးသေးတွေဆို ချစ်လားမေးရင် ချစ်တယ် ချစ်စရာကောင်းတာကိုး။ အယ်ဇေးရှင်းတော့ ချစ်လားလို့ လာမမေးနဲ့ ဝေးဝေးကဘဲ ရှောင်တယ်။ ကိုယ်က သူတို့ ပါးစပ်တစ်လုပ်စာလောက်ဘဲ ရှိတာကို။ biggest ကအဲဒီလောက်ထွားတာ။ ဟီး ဟီး . . . နောက်ကြောက်တာက မြွေ အကိုက်ခံဘူးလားမေးရင် မခံဘူးပါဘူး။ သူများပြောတာ ကြားဘူးတာ။ ဒါပေမဲ့ ကိုယ်ကိုကိုယ့်တောင် မသိဘူး။ မြွေတွေ့ရင် အသည်းယားတာလား ကြောက်တာလား ဆိုတာ။ နောက်ထက်ကြောက်တဲ့ သတ္တာဝါကိုပြောရင် အံသြသွားမယ်ထင်တယ်။ အဲဒါက လူ။ ဟုတ်တယ်လေ သူငယ်ချင်းတို့ စဉ်းစာကြည့်ကြလေ။ ယုတ်မာတဲ့လူ၊ ကောက်ကျစ်တဲလူ၊ ရက်စက်တဲ့လူ၊ ဆိုးသွမ်းတဲ့လူ၊ စိတ်ပုတ်တဲ့လူ ဘယ်လိုလူမှန်း ဘယ်လိုလုပ်သိမှာလဲ။ နှဖူးမှာ စာရေးထားတာမှ မဟုတ်တာ။ တိရစ္ဆာဆိုရင် ရှောင်လို့ရသေးတယ်။ ဒီလူကို ဘယ်လိုရှောင်ရမှာလဲ။ လူဆိုးလား၊ လူကောင်းလား၊ ဆိုတာကို သူအကြောင်း ကိုယ့်မသိ ကိုယ့်အကြောင်း သူမသိနဲ့။ အဲ့ဒါကြောင့် biggest တစ်ယောက်ထဲဘဲနေတယ်။ တစ်ယောက်ထဲနေရင် မပျင်းဘူးလားမေးရင် ပျင်းတယ်။ အဲဒီလို အချိန်မှာ သီချင်းဆိုရင်ဆို မဆိုရင် နားထောင်တယ်။ တစ်ခါ တစ်ခါ ဟာသကားကြည့်တယ်။ တချို့ကမေးကြတယ် သရဲမကြောက်ဖူးလားတဲ့။ မကြောက်ပါဘူး။ စကားစတောင် ဘယ်နားရောက်သွားမှန်းမသိတော့ဘူး။ လူ့စိတ်ကမျောက်စိတ်လို့ဘဲတဲ့။ ဟိုရောက်လိုက် ဒီရောက်လိုက်နဲ့။ သူငယ်ချင်းတိုရော့ ဒီအဆိုကိုလက်ခံလား။ biggest တော့လက်ခံတယ်။ တစ်ခါ တစ်ခါ သတင်းကြည့်နေရင်း သီချင်းနားထောင်ချင်သလိုလို၊ မုန့်စားချင်သလိုလို၊ ဟိုလိုလို ဒီလိုလိုနဲ့။ biggest ငယ်တုန်းက အရမ်းဆော့တာဘဲတဲ့။ အဖိုးပြောတာ။ ငယ်ငယ်က အရမ်းဆော့ လွန်းလို အဖွားက အနားခေါ်ပြီး ငြိမ်ငြိမ်လေး ၁၀ မိနစ်လောက်ထိုင်နေရင် မုန့်ဝယ်ကျွေးမယ်တဲ့။ မုန့်စားချင်တော့ သွားထိုင်ရတာပေါ့။ ဘာကစားစရာမှလည်း မယူသွားရဘူး။ ထိုင်ပြီး ၂ မိနစ်တောင် မပြည့်သေးဘူး ကိုယ်မှာရှိတာနဲ့ဆော့တော့တာဘဲ။ ကိုယ်မှာ ဘာရှိသလဲ ဆိုရင် ပါးစပ်ရယ်၊ လက်နှစ်ချောင်းရယ်၊ ခြေနှစ်ချောင်းရယ်နဲ့ တစ်ယောက်ထဲ ပြိုင်ကားမောင်းတိုင်းဆော့တယ်။ ပါးစပ်က တဝူးဝူးနဲ့အော်တယ် ခြေတစ်ချောင်းက လီဗာနဲ့ဘရိတ် လက်တစ်ချောင်းက စီယာတိုင်ပေါ့။ ဤမျှလောက် biggest တို့ဆော့ချက်က လူတိုင်း ခြေဖျား လက်ဖျား ခါလောက်အောင်ကိုဆော့တာ. . .။ ဘ်ာဘယ်လို ရောက်နေမှန်းတောင် မသိတော့ဘူး။ ခေါင်းစဉ်တောင်မေ့သွားပြီ။ သြော် ကြောက်စရာကောင်းသော သတ္တာဝါတွေ။ နောက်ရှိသေးလားမေးရင် ရှိသေးတယ်။ မာန်လှိုင်းငယ်လို့ဘဲ ငါးမန်းတို့၊ မိချောင်းတို့၊ ရေဘဝဲတို့ ကြုံဖူးလားမေးရင် ကြုံဖူးဖို့ နေနေသာသာ မြင်တောင်မမြင်ဖူးဘူး။ မြင်ဘူးတာရော မမြင်ဘူးတာရော ကြောက်တဲ့ သတ္တာဝါတွေများတယ်။ အချစ်ဆုံးသတ္တာဝါကတော့ မိညောင်(ကြောင်) သေးသေး၊ ကြီးကြီး ချစ်တယ်။ ယုန်လေးတွေလည်းချစ်တယ်။ ခွေးသေးသေးလေးတွေဆိုရင်လည်း ချစ်တယ်။ ဤမျှလောက်ပါဘဲ. . . . .
The End

1 comments:

ထွန်း said...

ဟ ဟ အယ်စတုံ ချစ်တာက သရဲကိုး